🔴كيف اقدر اسعر خدماتي كمدرب
( كورسات - استشارات - توجيه)
🔴 وايهما افضل هل أنافس حسب السعر ولا القيمة.
🔺 تسعير الخدمات التدريبيةأحياناً فيهو كتير من المغالطات ( ليه سعرك عالي كدا ..ولي رخيص كدا... الخ)
▪لكن عموماً مجال الخدمات زي التدريب، الاستشارات، التوجيه، المحاماة، التدريس.... الخ)
▪ما عندها قاعده محددة للتسعير فمثلا في مجال المحاماة نفس القضية ممكن يمسكها محامي ب 10 الف ومحامي آخر يطالب فيها ب 50 الف....
(اكيد الخبرة والاسم ومقدار الوقت عندها اثر)
🔹لكن في مجال التدريب والاستشارات الإلكترونية شنو البحدد السعر؟
كيف انا بقول انو الكورس دا ب 1000 ج او ب 5 الف او10 الف كيف؟؟
🔹 كيف ممكن اقول انو جلسة الاستشارة ب 5 الف؟ والتوجيه ب 20000 الف كيف؟؟
🔹وهل إذا انا خفضت سعري هل ممكن أجذب زبائن اكتر؟؟
🔹وهل انا ممكن اطلب سعر اكتر في الخدمة البقدمها؟؟
🔸وشنو القاعدة البتحكم التسعيرة دي؟؟
🔴بالمناسبة الاسئلة دي صعبة والاجابة عليها محتاج تفكر فيهااكتر واكتر؟
ليه؟
▪لانها ممكن تحدد قيمتك في سوق التدريب وكمان ممكن تحدد استمراريتك في المجال؟!
🔴 البعض بقترح انو التسعير يكون بناءاً على الاسعار الموجودة في المجال.
بمعني انك تفتش وتبحث وتشوف مستوي الاسعار وهنا عندك 3 خيارات :
1- تكون في مستوي الاسعار
2- تكون اقل من سعرالسوق
3- تكون أعلى من سعر السوق
🔻ودا كلام ممكن يكون مقبول لكن عنده اعتراضين :
1- طيب اذا الخدمة العايز اقدمها ما موجودة
2- اذا الاسعار في السوق اصلا منخفضة..
كيف اتصرف؟
🔴 البعض بلجأ لخيار آخر وهو التسعير مقابل الوقت والقيمة :
بمعني انا بقضي معاك ساعة والسعر دا مقابل القيمة في الزمن المحدد؟
📍ودا خيار ممكن يكون افضل لكن البعض ممكن يقول انا لسه في بداية طريقي ما بقدر اقول كدا
🔴 لكن ايهما الخيار الافضل؟
وهل في خيار آخر؟؟
▪بالمناسبة
دي اسئلة مهمه محتاج تفكر فيها شديد خاصة لمن تفكر في انك تبدأ بزنس التدريب الإلكتروني الخاص بيك....
🔴 بعض الناس عندهم عقلية يا زول الرخيص بجييب الناس قدم خدمتك بسعر بسيط عشان تقدر تجذب عدد كبير من الناس ومستقبلا ممكن ترفع اسعارك...
🔻 وهنا ممكن الناس تقع في فخ الغالي بغلاته والرخيص برخصته..
🔹 ودا ممكن يدمر السوق نتيجة لانو الناس ممكن تقدم قيمة منخفضة جدا من المعرفة وبأسعار تافهه لا تسمن ولا تغني من جوع....
(زي ما حصل في برامج تدريب المدربين TOT رخيصة الثمن والقيمة)
🔹 لكن نرجع ونقول اذا انت حاولت تنافس في سوق التدريب بناءاً علي الاسعار
( بمعني تخفض وتخفض اسعارك للحد الأدنى)
🔹عشان تنافس فهنا الخسارة ما ليك وانما للكل!
🔄 ( المتدربين ما بحصلوا علي قيمة عالية ولا التزام منهم بالتطبيق بكون عالي، انت ما بتحصل علي عائد مرضي، المجال بكون ضعيف عن طريق تخريج متدربين ضعيفين من ناحية المعرفة والمهارات)
🔴 اما اذا نافست من ناحية القيمة ورفعت من مستوي القيمة البتقدمها لاعلي مستوي فالربح بكون للجميع....
