الكاشف من الناس المميزين جدا لنفسه علي الرغم من انه ما انجز اي حاجه رغم انه مشغول طول اليوم والاسبوع والشهر .
🔺 احلامه دايما كبيرة، بحلم بتغيير العالم والبلاد، لكن احلامه فقط في راسه.
◽في يوم من الأيام ماشي في الشارع وفجأة لقى نفسو واقع في حفرة كبيرة كانت في وسط الطريق، وحاول بكل ماعنده عشان يطلع واخدت منه زمن لكن فى النهاية طلع.
◽في يوم تاني مشى الكاشف بنفس الشارع وافترض انو ما شايف الحفرة الكبيره لكن وقع تاني في نفس الحفرة وقال اصلا ما ممكن اقع في نفس الحفرة تاني، اكيد ما غلطتي! "
المهم طلع بعد مدة.
📍 مرة تانيه مشى الكاشف بنفس الشارع وشاف الحفرة الكبيرة وعلى الرغم من انه كان شايفها ووقع فيها قبل كدا لكن تاني وقع فيها؟!
ليه لانو تعود!
عارف نفسه الآن وين ( في قاع الحفرة) لكن المرة دي اعترف انها غلطته.
وطلع اخيرا من الحفرة
◽ مرة تانية مشى الكاشف بنفس الشارع وشاف الحفرة لكن قرر انو يمشي بجنبها ومر سليم.
◽ مرة اخيرة قرر الكاشف انو يغير الشارع و يمشي بشارع مختلف.
كتير من الناس بتستغرب من قصة الكاشف المضحة😄
لكن الحقيقة دي كانت قصة كتير من الناس ناسين انهم هم الكاشف.
⛔ تلقاهم بقوموا بنفس الافعال ونفس الافكار ونفس العادات ونفس السلوكيات ونفس المشاعر وبتوقعو يحصلو على نتائج مختلفة.
بيكررو ماضيهم بدلا من صناعة مستقبلهم.
بيقعوا في نفس الحفرة وبقولوا دي ما غلطتهم
علي الرغم من انهم عارفين انه طريقتهم الان ح تؤدي لنفس النتائج. لكنهم ما بغيروها.
(لانهم تعودوا)
علي الرغم من انهم عارفين الانجاز ما بجي صدفة وانما بحتاج لنظام (system) لكنهم برجعوا لنفس عاداتهم القديمة.
⛔ ما تخلي بقية شهور عامك تمر بنفس الشهور المضت.
( الا اذا كنت الكاشف) 😀
⛔ اذا كنت عاوز فعلا تمشي في شارع مختلف صممنا برنامج اسمه تحدي ال99 يوم
📍 هدفه يساعدك كيف تمتلك انظمه الانجاز والإنتاجية العالية وبمكنك البرنامج من انك كيف تنجز خلال ال99 الجايه اكثر مما انجزته خلال عام او 5 اعوام.
